:: garpur ::

:: sunnudagur, ágúst 7 ::

Jæja... nú er ansi langt síðan maður malaði hérna inni síðast, svosem margt og mikið sem hefur gerst síðan :c) er td búin að fara suður í borg óttans, fór um verslunarmannahelgina, verslaði slatta :cD fór í bíó, borðaði helling af sukkfæði, fór í bláa lónið, og kallinn fór á innipúkann.

Talandi um bláa lónið, ég hef farið á hverju ári, en vá hvað þetta er orðið ÓGEÐSLEGT!! í alvörunni talað, hef aldrei upplifað þetta svona þarna, ekki einu sinni á gamla staðnum!! bara svo ég nefni eitthvað þá mættum við þarna snemma um morguninn, skápurinn sem ég fékk var drullu skítugur, ásamt öllum skápunum þarna, ég fór í sturtu eins og reglur gera ráð fyrir og AUJJJ við fórum í búningsklefana á efri hæðinni og þeir voru ekki mikið notaðir þegar við komum, því jú við komum snemma, allavega ég kveikti á sturtunni, og gaus þá ekki þessi viðbjóðslega HLANDLYKT af sturtuhenginu!!
svo virðist vera að baðgestum sé allt leyfilegt þarna!! þú mátt fara með bjór í lónið eða aðra drykkjavörur, enda var maður að labba endalaust á plastglös ofaní lóninu, og annað sem fór virkilega í pirrurnar á mér að fólk mátti vera með myndavélar og vídeókamerur þarna eins og ekkert væri athugavert við það, ég var sko ekkert sátt við það að einhverjir helvítis bretar voru að elta mig og hlæja að mér með helvítis kameruna, ég borgaði jafn mikið og aðrir þarna og fyrir hvað jú fyrir að vera aðhlátursefni fyrir einhverja útlendinga... á öllum öðrum baðstöðum hér á Íslandi er BANNAÐ að vera með svona dót á almenningsbaðstöðum!! og sumstaðar er gengið svo langt að bannað er að vera með gsm síma inná baðstöðunum, jú vegna þess að nútímasímar eru með myndavél.
Þegar við svo fórum uppúr lóninu, í stiganum upp í búningherberginu tók á móti okkur þessi jú yndislega umrædda hlandlykt... því jú sturturnar eru búnar að vera í gangi AUJJJ... fyrir utan að ég komst ekki á salernið því að það hirti enginn starfsmaður um það og það flæddi pappír um allt!! ekki geðslegt...

Bláa Lónið er ein af náttúruperlum Íslands og að mínu mati einn af fallegri stöðum hér á Íslandi, og að umsjónamenn þessa annars ágæta baðstaðar geti látið þetta drabbast svona niður er að mínu mati ógeðslegt og ætti þetta þetta fólk að fara að hysja upp um sig buxurnar að laga þessi mál, afkoma bláa lónsins er háð því að ferðamaðurinn láti sjá sig, en ef svona subbuskapur ætlar að verða aðalsmerki bláa lónsins þá verður það fljótt að spyrjast út :c(

Ég gæti svosem haldið áfram að tuða um bláa lónið, en finnst þetta bara ágætt, og veit að með sjálfri mér að það líður mjög langur tími þangað til að ég heimsækji þennan stað aftur :c(
:: J sunnudagur, ágúst 07, 2005 [+]
...

Comments:

ég er ekki viss, en mér dettur í hug að það sé hreinlega ólöglegt að mynda fólk á bað- og sundstöðum nema með þeirra leyfi

# posted by  Unnar : 6:54 PM

 

Vildi bara segja til hamingju með bumbubúann :)

# posted by  Nafnlaus : 1:53 AM

 

Hæ Jóhanna

Var að komast að leyndarmálinu mikla. Innilega til hamingju og ég er búin að taka frá leikskólapláss að ári ;)

Bestu kveðjur

Lilja frænka

# posted by  Lilja : 10:20 PM

 

Klukk
reglur 5 facts of you á bloggið og klukka síðan 5 aðra

# posted by  Ólöf : 8:40 PM

 

Sendu inn athugasemd